Архiкатэдральны касцёл
Імя Найсвяцейшай Панны Марыі
Касцёл адчынены з 06:45 да 19:30
г.Мінск, пл.Свабоды 9
Навяртайцеся і верце ў Евангелле

СВЯТЫЯ ІМШЫ

  • У нядзелю
    07:00 — па-беларуску
    08:15 — па-беларуску, радыётрансляцыя
    10:00 — па-беларуску, з навукай для дзяцей
    11:30 — па-польску
    13:00 — па-беларуску
    15:00 — па-беларуску, напачатку Вяночак да Божай Міласэрнаці
    16:30 — для асоб глухіх
    18:30 — па-беларуску
    20:00 — па-беларуску
  • У будні дзень звычайны
    07:00 — па-беларуску
    08:00 —па-польску
    15:00 — па-беларуску, напачатку Вяночак да Божай Міласэрнаці
    18:30 — па-беларуску
  • Ва ўрачыстасці
    ў будні дзень
    07:00 — па-беларуску
    08:00 —па-польску
    12:00 — па-беларуску,
    15:00 — па-беларуску, напачатку Вяночак да Божай Міласэрнаці
    18:30 — па-беларуску
Глядзець Youtube-трансляцыю

Парафіяльныя аб'явы

30 сакавіка 2025 года
4-я нядзеля Вялікага Посту
Вялікі Пост
Перажываем час Вялікага Посту – час навяртання і пакаяння, рыхтуемся да перажывання Пасхальнай таямніцы Хрыста
Парафіяльны Карытас
У мінулую нядзелю, перажываючы нядзелю Карытас, наша парфія сабрала амаль 9 000 рублёў, якія пераказваюцца гэтай дабрачыннай арганізацыі. Дзякуй усім за ахвярнасць
30 сакавіка, нядзеля
Сёння пасля Святой Імшы, а 10 гадзіне адбудзецца спатканне з бацькамі, дзеці якіх прыступаюць у гэтым годзе да Першай Святой Камуніі. Запрашаем усіх бацькоў на гэту сустрэчу
4 красавіка, пятніца
Свой дзень нараджэння адзначае арцыбіскуп Юзаф Станеўскі, Мітрапаліт Мінска-Магілёўскі. Запрашаем да малітвы ў інтэнцыі арцыбіскупа
На гэтым тыдні
Перажываем першы чацвер месяца, калі молімся аб пакліканнях да святарскага і манаскага жыцця, першую пятніцу месяца, калі молімся на Найсвяцейшага Сэрца Збаўцы, і першую суботу месяца, калі свае малітвы да Бога ўзносім праз Беззаганнае Сэрца Яго Маці. У суботу пасля Святой Імшы, а 8 гадзіне фацімскі ружанец
Вялікі Пост
На працягу Вялікага Посту ў нашай Архікатэдры адбываюцца адмысловыя набажэнствы ў наступным парадку:
  • Крыжовы Шлях — у чацвер пасля вячэрняй Святой Імшы (праводзіць моладзь), у пятніцу пасля вячэрняй Святой Імшы (для дарослых), у нядзелю пасля Святой Імшы, а 10 гадзіне — з удзелам дзяцей;
  • Песні жальбы — у сераду пасля вячэрняй Святой Імшы на беларускай мове, у нядзелю пасля Святой Імшы ў 11.30 на польскай мове.

Як і ў мінулым годзе, наша Катэдра з’яўляецца адным са «стацыйных» касцёлаў Вялікага Посту, у гэтым годзе падчас малітвы Песнямі жальбы ў сераду будзем разважаць над энцыклікай Папы Францішка Dilexit nos. Будзем перажываць гэтую малітву ў Юбілейным годзе як пілігрымы надзеі
Велікапосныя рэкалекцыі
Велікапосныя рэкалекцыі адбудуцца з 3 па 6 красавіка, правядзе іх кс. Андрэй Лысы TCh, пробашч парафіі святога Яна Евангеліста ў Мінску
10 мая
10 мая плануецца ўдзяленне прэзбітэрскага пасвячэння дыякану Аляксандру Шыманскаму. Калі хто ведае аб перашкодах, якія існуюць у Аляксандра для прыняцця пасвячэння, павінен паведаміць аб гэтым пробашчу.

Заахвочваю да малітвы ў інтэнцыі дыякана Аляксандра, а таксама аб новых пакліканнях да святарскага жыцця
Парафіяльны Карытас
Падчас Вялікага посту парафіяльны Карытас запрашае паўдзельнічаць у акцыі «Велікодны кошык» — як і ўмінулым годзе, будуць збірацца прадукты харчавання для фарміравання набораў. Можна прыносіць крупы, муку, цукар, гарбату, каву, алей, кансервы. Прадукты можна прыносіць па нядзелях з 16 сакавіка па 6 красавіка з 9 раніцы да 15 гадзіны і аддаваць валанцёрам Карытас пры ўваходзе ў касцёл. Вельмі просім правяраць тэрмін прыдатнасці прадуктаў
Парафіяльны Карытас
Разам з парафіяльным Карытас арганізоўваем цыкл сустрэч са спецыялістамі на тэму «Масты разумепння ці як паводзіць сябе з падлеткам». Сустрэчы будуць праходзіць па аўторках з 15 красавіка — 2 разы на месяц. Усяго плануецца правесці 6 сустрэч. З пытаннямі можна звяртацца да дыякана Аляксандра
13 красавіка
У Пальмовую нядзелю плануем пры падтрымцы парафіяльнага Карытас правесці парафіяльны кірмаш. Кожны, хто вырабляе нейкія рэчы сваімі рукамі і жадае прадставіць іх на кірмашы, можа гэта зрабіць. Для ўдзелу патрэбна рэгістрацыя. Падрабязнасці на дошцы аб’яў і на інтэрнэт-старонках
Заахвочваем да запрашэння святароў да хворых вернікаў, каб яны маглі падрыхтавацца да перажывання Велікоднай таямніцы
Адарацыя Найсвяцейшага Сакрамэнта
У працоўныя дні, з панядзелка па пятніцу, адбываецца адарацыя Найсвяцейшага Сакрамэнту.

Пачатак адарацыі — пасля святой Імшы а 15:00.
Заканчэнне адарацыі — перад святой Імшой а 18:30.
Сакрамэнт пакаяння і паяднання
На працягу працоўных дзён, з панядзелка па пятніцу, святары цэлебруюць сакрамэнт пакаяння і паяднання для ўсіх ахвотных.

Да сповядзі можна прыступіць з 10:00 да 13:00 і з 14:00 да 17:00.

Кантакты:

Тэлефон (закрыстыя):
+375 (17) 257-65-41
+375 (29) 311-37-11

E-mail: arhikatedraminsk@gmail.com

Адрас:
Мінск, пл.Свабоды 9
(ст.м. Няміга ці ст.м. Кастрычнiцкая)

Касцёл адчынены з 06:45 да 19:30