СВЯТЫЯ ІМШЫ

• 20 кастрычніка прыпадае 37-я гадавіна біскупскага пасвячэння арцыбіскупа Тадэвуша Кандрусевіча.
• 21 кастрычніка — 112-я гадавіна з дня нараджэння кардынала Казіміра Свёнтэка.
• 23 кастрычніка — 5-я гадавіна інгрэсу арцыбіскупа Юзафа Станеўскага ў Мінскую Катэдру.

Заахвочваем да малітвы.

Адбудзецца першае ў гэтым катэхетычным годзе спатканне працаўнікоў службы аховы здароўя.

Пасля Святой Імшы, а 13 гадзіне ў дольным касцёле адбудзецца парафіяльнае свята ў гонар Дня маці і Дня таты. Запрашаем усіх!

Распачынаецца запіс на падрыхтоўку да сакрамэнту канфірмацыі. Катэхізацыя будзе адбывацца па нядзелях пасля Святой Імшы, а 13 гадзіне.

Першае спатканне — 15 лістапада

У Каталіцкім Касцёле трывае юбілейны год святога Францішка Асізскага з нагоды 800-годдзя адыходу ў вечнасць гэтага святога.

У сувязі з гэтым запрашаем на францішканскія катэхезы, якія будуць адбывацца ў нашай Катэдры па чацвяргах з 8 кастрычніка па 5 лістапада пасля вячэрняй Святой Імшы. Катэхезы будуць праводзіць францішкане з розных галін гэтага закона.

Парафіяльны Карытас сёння арганізоўвае збор рэчаў для людзей, хворых на рассеяны склероз. Вельмі патрэбны сродкі асабістай гігіены — памперсы (памеры: L, XL, M і S), аднаразовыя пялёнкі, уралагічныя пракладкі, крэмы, прысыпкі, сродкі па догляду за целам, вільготныя сурвэткі і ручнікі, вадкае мыла, шампуні, гелі для душу.

Рэчы можна будзе сёння і аддаць іх валанцёрам пры ўваходзе ў касцёл. Дзякуй за чулыя сэрцы.

Набліжаецца лістапад — час асаблівай малітвы Касцёла за спачылых вернікаў. Заахвочваем да таго, каб прывесці ў парадак могілкі сваіх блізкіх. У касцёле маліцца за памерлых будзем падчас нешпараў і вячэрніх Святых Імшаў з 2-га па 8-га лістапада. Карткі з імёнамі нашых блізкіх памерлых можна прыносіць у сакрыстыю.

Трывае ХХ-ы фестываль духоўнай музыкі ў гонар святой Цэцыліі.

У бліжэйшую пятніцу 23 кастрычніка ў 19.30 запрашаем на вечар арганнай музыкі, прысвечаны 25-годдзю класа аргана БДАМ, кіраўніком якога з’яўляецца наш арганіст Уладзімір Неўдах.

Нагадваем, што ў нашай Катэдры ёсць магчымасць прыступіць да сакрамэнту пакаяння перад кожнай Святой Імшой, а таксама на працягу дня з 10 да 13 і з 14 да 17 гадзін